Դեսպան Թումանյանը հանդիպեց «Kerman Development» կազմակերպության խորհրդի նախագահի հետ

13 հունիսի, 2018

Հունիսի 13-ին ԻԻՀ-ում ՀՀ արտակարգ և լիազոր դեսպան Արտաշես Թումանյանը հանդիպեց Քերմանում, Սիրջանում և Բամում ներդրումային ու գործարար մեծ ծրագրեր իրականացնող «Kerman Development» կազմակերպության խորհրդի նախագահ Վալիոլլահ Աֆխամիրադի հետ:

Հաշվի առնելով ԵԱՏՄ-Իրան ազատ առևտրի մասին ժամանակավոր համաձայնագրի ստորագրումը, Հայաստան-ԵՄ հարաբերությունների բարձր մակարդակը, ինչպես նաև գործարար միջավայրի բարենպաստ վիճակը ՀՀ-ում՝ դեսպան Ա. Թումանյանը նշեց, որ իրանական ընկերությունների համար Հայաստանում տնտեսական գործունեություն ծավալելու առումով իրական հնարավորություններ են ստեղծվել:

Դեսպան Ա. Թումանյանը նաև հավելեց, որ ԻԻՀ նկատմամբ սահմանվող պատժամիջոցների պայմաններում իրանական ընկերությունները կարող են շրջանցել առկա խոչընդոտները, եթե իրենց գործունեությունն իրականացնեն Հայաստանում: Այդպիսով, իրանական կապիտալը կարող է շահավետորեն օգտագործվել հայաստանյան ներդրումային ծրագրերում, իսկ համատեղ գործունեության արդյունքում թողարկված արտադրանքը կարող է արտահանվել երրորդ երկրներ:

Ներկայացնելով կազմակերպության գործունեությունը՝ Վ. Աֆխամիրադը նշեց, որ այն բաժնեմասեր ունի մի շարք ընկերություններում, որոնք պատրաստ են ընդլայնել իրենց գործունեության ուղղություններն ու ծավալները, այդ թվում նաև՝ հայաստանյան ընկերությունների հետ համագործակցության շրջանակներում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր