Դեսպան Թումանյանի այցն Իրանի ազգային կինոյի տուն

25 հունիսի, 2018

Հունիսի 25-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն այցելեց Իրանի ազգային կինոյի տուն և հանդիպեց տնօրեն Լադեն Թահերիի հետ: Հանդիպմանը մասնակցում էին նաև Իրանի կինոյի թանգարանի տնօրեն Ալիռեզա Ղասեմխանը և «Art and Experience» մշակութային կազմակերպության ղեկավար Ամիր Հոսեյն Ալամալհոդան:

Դեսպան Թումանյանը ծանոթացավ Իրանի ազգային կինոյի տան և թանգարանի գործունեությանը, ինչպես նաև վերջիններիս առաջիկա ծրագրերին: ՀՀ դեսպանը խոսեց նախորդ տարի ԻԻՀ-ում ՀՀ դեսպանության նախաձեռնությամբ առաջին անգամ Իրանում կազմակերպված հայկական ֆիլմերի շաբաթվա մասին և առաջարկեց ընթացիկ տարվա հիշյալ միջոցառումը կազմակերպել համատեղ ուժերով:

Ա. Թումանյանը նաև առաջարկեց համատեղ ուժերով կազմակերպել «Հայերն իրանական կինոյում» խորագիրը կրող կոնֆերանս և հրապարակել համապատասխան կատալոգ, ինչը մեծ պատրաստակամությամբ ընդունվեց զրուցակիցների կողմից:

Հանդիպման ընթացքում քննարկվեցին նաև մի շարք այլ ծրագրեր և որոշվեց կազմել համատեղ աշխատանքների պլան, որում հաշվի կառնվեն կինոյի ոլորտում հայ-իրանական համագործակցության առկա հնարավորությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր