Այց Թեհրանի համալսարան

01 հուլիսի, 2018

Հուլիսի 1-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն այցելեց Թեհրանի համալսարան, որտեղ հանդիպում ունեցավ համալսարանի ռեկտոր Մահմուդ Նիլի Ահմադաբադիի հետ:

Հանդիպման ընթացքում դեսպան Թումանյանը ներկայացրեց գիտակրթական և տեխնոլոգիական ոլորտներում ՀՀ վերջին տարիների ձեռքբերումները, մասնավորապես բարձր և տեղեկատվական տեխնոլոգիաների բնագավառում ունեցած առաջընթացը, խոսեց համատեղ գիտակրթական և հետազոտական ծրագրեր իրականացնելու, ուսանողների և դասախոսների փոխանակության, գիտաժողովներ և տարբեր ձևաչափերով հանդիպումներ կազմակերպելու անհրաժեշտության մասին:

Երկկողմ համագործակցության ներուժի բացահայտման և փոխճանաչողության մակարդակի բարձրացման նպատակով Ա. Թումանյանն առաջարկեց կազմակերպել երկու երկրների համապատասխան կառույցների ներկայացուցիչների փոխայցելություններ, մասնավորապես ռեկտոր Մ. Ն. Ահմադաբադիի այցը Հայաստան, որը սիրով ընդունվեց վերջինիս կողմից:

Թեհրանի համալասարանի ռեկտորը խոսեց իր ղեկավարած հաստատության ներքին կառուցվածքի, նահանգային մասնաճյուղերի, այլ երկրների հետ համագործակցության փորձի ու հնարավորությունների մասին: Մ. Ն. Ահմադաբադին հայտնեց, որ համալսարանում կա նոր օտար լեզուների դասավանդման գործընթաց, և կադրային ու այլ խնդիրների լուծման դեպքում պատրաստակամ են ժամեր հատկացնել նաև հայոց լեզվի ուսուցանման դասապրոցես կազմակերպելուն:

Ռեկտորն իր պատրաստակամությունը հայտնեց հյուրընկալել ԵՊՀ ղեկավարությանը Թեհրանում, որի համար համապատասխան հրավեր կուղարկվի (ժամկետները կճշտվեն աշխատանքային կարգով):

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր