Դեսպան Թումանյանի հանդիպումը «Middle East Bank»-ի տնօրենի հետ

05 հուլիսի, 2018

ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց իրանական «Middle East Bank»-ի տնօրեն Փարվիզ Աղիլիին:

Վերջինս նշեց, որ բանկի գլխավոր մասնագետները մասնակցել են ՀՀ դեսպանության կողմից իրանցի գործարարների համար կազմակերպված խորհրդաժողովին, որտեղ Ա. Թումանյանը ներկայացրել է Հայաստանի տնտեսության վիճակը, զարգացման խնդիրները, ներդրումային ծրագրերի իրականացման հնարավորությունները, ինչպես նաև ֆինանսաբանկային համակարգի առանձնահատկությունները: Նա տեղեկացրեց, որ օրեր առաջ բանկի ղեկավար կազմի խորհրդում նախնական քննարկումներ են եղել Հայաստանում գործունեություն սկսելու խնդրի շուրջ և խնդրեց Ա. Թումանյանին նախնական աջակցություն ցուցաբերել այդ հարցում:

ՀՀ դեսպանն առաջարկեց հանգամանալից կերպով ծանոթանալ ՀՀ ֆինանսաբանկային համակարգին, դրա առանձնահատկություններին և անել կոնկրետ առաջարկություններ:

Ա. Թումանյանը նաև նշեց, որ Հայաստանում հնարավոր է համապատասխան հանդիպումներ և քննարկումներ կազմակերպել, որոնց արդյունքները կախված կլինեն «Middle East Bank»-ի կողմից ներկայացված ծրագրից և դրա՝ իրավական պահանջներին համապատասխանությունից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր