Դեսպան Թումանյանի հանդիպումն ԻԻՀ ճանապարհների և քաղաքաշինության նախարարի տեղակալի հետ

14 հուլիսի, 2018

Հուլիսի 14-ին ԻԻՀ-ում ՀՀ դեսպան Արտաշես Թումանյանը հանդիպեց ԻԻՀ ճանապարհների և քաղաքաշինության նախարարի տեղակալ, ճանապարհային պահպանության և տրանսպորտի կազմակերպության նախագահ Աբդոլհաշեմ Հասաննիայի հետ:

Քննարկվեց առաջիկայում ՀՀ և ԻԻՀ տրանսպորտային համագործակցության համատեղ կոմիտեի նիստի անցկացման հարցը, որի ընթացքում կքննարկվեն երկու երկրների միջև տրանսպորտային փոխադրումների պայմանների բարելավման հարցերը:

Դեսպան Ա. Թումանյանը ներկայացրեց բեռնատար և մարդատար ավտոտրանսպորտային ծառայությունների ոլորտում հայկական և իրանական կողմում տեղ գտած անհամաչափությունները, որոնք կապված են երկու երկրներում գործող օրենսդրական կարգավորումների տարբերությունների հետ: Ա. Թումանյանն առաջարկեց առաջիկա քննարկման ժամանակ անդրադառնալ տրանսպորտային ծառայությունների ոլորտում առկա խնդիրների ողջ համալիրին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր