ԻԻՀ ՀՀ դեսպան Ա.Թումանյանը ընդունեց GB-Trading ընկերության խորհրդի նախագահ Սայիդ Ջամալիին

19 հուլիսի, 2018

Հուլիսի 19-ին ԻԻՀ ՀՀ դեսպան Ա. Թումանյանը ընդունեց GB-Trading ընկերության խորհրդի նախագահ Սայիդ Ջամալիին:

Հանդիպման սկզբում Սայիդ Ջամալին շնորհակալություն հայտնեց Ա. Թումանյանին վերջին շրջանում ՀՀ դեսպանության կողմից Իրանում իրականացված տեղեկատվական քարոզչական աշխատանքների համար: Դրանց շարքում հատկապես հիշատակվեց հունիսի 26-ին ՀՀ դեսպանության և «Իրան-Հայաստան» առևտրի պալատի կազմակերպած համաժողովի արդյունավետությունը:

Ս.Ջամալին, ներկայացնելով GB-Trading ընկերության գործունեության տարբեր ոլորտները, նաև ընդգծեց կրթական և տեղեկատվական գործունեության իրականցնելու իրենց պլանները: Նա մասնավորապես խոսեց Հայաստանի տնտեսության, գործող օրենսդրության, առևտրի ու ներդրումների ոլորտներին վերաբերվող տեղեկատվությանն իրանական տնտեսավարողներին իրազեկելու համար համապատասխան դասընթացների կազմակերպման մասին:

Այդ կապակցությամբ Ա. Թումանյանը պատրաստակամություն հայտնեց աջակցել GB-Trading ընկերությանը, ինչպես նաև անհրաժեշտության դեպքում կազմակերպել համատեղ տեղեկատվական – քարոզչական միջոցառումներ:

Զրուցակիցներն անդրադարձան սեպտեմբերին կայանալիք Հայաստան Expo ցուցահանդեսին: Պայմանավորվածություն ձեռք բերվեց GB-Trading ընկերության համակարգմամբ կազմավորել իրանական գործարարների խումբ՝ վերը նշված ցուցահանդեսին մասնակցելու, ինչպես նաև տեղում անհրաժեշտ հանդիպումների կազմակերպման նպատակով:

Վերջում GB-Trading ընկերության ներկայացուցիչներին տրամադրվեց Հայաստանի օրենսդրությանը և ներդրումային միջավայրին առնչվող նյութերի փաթեթ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր