Դեսպան Թումանյանն ընդունեց «Pars» հոլդինգի ներկայացուցիչներին

27 օգոստոսի, 2018

Օգոստոսի 27-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց «Pars» հոլդինգի գործադիր տնօրեն Ազիմ Ռաջայիին և հոլդինգի կառավարման խորհրդի անդամ Ահմադ Թահերիին:

Հանդիպման ընթացքում կողմերը քննարկեցին հայ-իրանական տնտեսական հարաբերությունների լայն շրջանակ՝ անդրադառնալով ենթակառուցվածքային ծրագրերի, գյուղատնտեսական, տեղեկատվական տեխնոլոգիաների և մի շարք այլ ոլորտներում համատեղ գործունեություն իրականացնելու հնարավորություններին: Խոսվեց նաև երկկողմ ապրանքաշրջանառության ծավալների մեծացման անհրաժեշտության, ՀՀ-ում ներդրումներ իրականացնելու համար ստեղծված նպաստավոր պայմանների և հայ-իրանական համատեղ արտադրանքը Հայաստանից երրորդ երկրների շուկա դուրս բերելու հնարավորությունների մասին:

Դեսպան Թումանյանն իր զրուցակիցներին ներկայացրեց Հայաստանի տնտեսության ներկա վիճակը, խոսեց վերջին ամիսներին ՀՀ կառավարության հակակոռուպցիոն գործունեության, տնտեսության առանձին ոլորտների, ազատ գոտիների, առևտրային ռեժիմների մասին և այլն:

Հանդիպման վերջում պայմանավորվածություն ձեռք բերվեց կազմակերպել ՀՀ դեսպանի այցը հոլդինգի կազմի մեջ մտնող մի շարք գյուղատնտեսական և սննդի վերամշակման ձեռնարկություններ, իսկ հետագայում նաև իրականացնել հոլդինգի ներկայացուցիչների այցը Հայաստան՝ տեղում ծանոթանալու ներդրումային հնարավորություններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր