Արարատի մարզի պատվիրակության այցն ԻԻՀ Գիլան նահանգ

08 սեպտեմբերի, 2018

Սեպտեմբերի 5-ից 8-ն աշխատանքային այցով Իրանի Գիլան նահանգում էր գտնվում Արարատի մարզի պատվիրակությունը՝ մարզպետ Գարիկ Սարգսյանի գլխավորությամբ:

Այցի շրջանակներում տեղի ունեցավ հանդիպում Գիլանի նահանգապետ Մոսթաֆա Սալարիի հետ: Զրուցակիցները քննարկեցին Արարատի մարզի և Գիլան նահանգի միջև առևտրատնտեսական կապերի ընդլայնման, ներդրումային ծրագրերի խթանման, զբոսաշրջային ներուժի օգտագործման և մի շարք այլ հարցեր:

Առանձին հանդիպումներ տեղի ունեցան Գիլանի Առևտրի, արդյունաբերության, հանքերի և գյուղատնտեսության պալատի ղեկավարության, ինչպես նաև մի շարք ընկերությունների ներկայացուցիչների և գործարարների հետ, որոնց ներկայացվեց Արարատի մարզում ներդրումներ կատարելու համար առավել բարենպաստ ոլորտները, պայմանավորվածություն ձեռք բերվեց երկուստեք այցերի միջոցով բարձրացնել փոխճանաչողության մակարդակը և զարգացնել տնտեսական համագործակցությունը:

Գիլան մեկնած հայկական պատվիրակության աշխատանքների կազմակերպմանն ակտիվ մասնակցություն է ցուցաբերել ԻԻՀ-ում ՀՀ դեսպանությունը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր