Դեսպան Թումանյանն ընդունեց ԻԻՀ նախագահի աշխատակազմի առաջընթացի և զարգացման կենտրոնի ՏՏ և էլեկտրոնային բիզնես խմբի ղեկավարին

17 սեպտեմբերի, 2018

Սեպտեմբերի 17-ին դեսպան Արտաշես Թումանյանն ընդունեց ԻԻՀ նախագահի աշխատակազմի առաջընթացի և զարգացման կենտրոնի ՏՏ և էլեկտրոնային բիզնես խմբի ղեկավար Համեդ Շաբանիին, ով սեպտեմբերի 8-ից 11-ն ԻԻՀ-ում ՀՀ դեսպանության աջակցությամբ գործուղվել էր Հայաստան՝ տնտեսության հնարավորություններին, հատկապես ՏՏ ոլորտում, ծանոթանալու նպատակով: Հայաստանում Բիզնես Արմենիայի կողմից տեղում կազմակերպվել էին համապատասխան հանդիպումներ և քննարկումներ՝ համագործակցության ծրագրեր մշակելու նպատակով:

Հանդիպման ընթացքում Հ. Շաբանին ՀՀ դեսպանին ներկայացրեց իր նկատառումները հետագա համագործակցության մասին:

Դեսպան Թումանյանը ներկայացրեց Հայաստան-Իրան տնտեսական կապերի ամրապնդման հնարավորությունները, իրանական գործարար համայնքի իրազեկման մակարդակը բարձրացնելու անհրաժեշտությունը:

Զրուցակիցները քննարկեցին փոխադարձ ներդրումների ակտիվացման խնդիրները, համատեղ ծրագրերի իրականացման ուղղությունները, երրորդ երկրների շուկաներ մուտք գործելու հնարավորությունները:

Հանդիպման վերջում պայմանավորվածություն ձեռք բերվեց այն մասին, որ իրանական կողմը կներկայացնի իր առաջարկությունները ՏՏ և տնտեսության այլ ոլորտներում համատեղ աշխատանքների կազմակերպման ուղղությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր