Դեսպան Թումանյանն ընդունեց «Tahaalborz» ընկերության գլխավոր տնօրենին

11 հոկտեմբերի, 2018

Հոկտեմբերի 11-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց «Tahaalborz» ընկերության գլխավոր տնօրեն Մ. Թաբաթաբայիին: Վերջինս ներկայացրեց ընկերության գործունեությունը, որը մասնագիտացած է ժամանակակից կենցաղային սարքերի (օդորակիչներ, գազօջախներ և այլն) արտադրության ոլորտում և հետաքրքրվեց Հայաստանում ներդրումային միջավայրի վիճակով:

ՀՀ դեսպան Արտաշես Թումանյանը որոշակի տեղեկատվություն փոխանցեց ներկայումս Հայաստանում տիրող իրավիճակի կապակցությամբ, մասնավորապես ներկայացրեց իրականացվող տնտեսական քաղաքականության հիմնական ուղղությունները:

Համաձայնություն ձեռք բերվեց առաջիկա մեկ ամսվա ընթացքում Մ. Թաբաթաբայիին գործուղել Հայաստան՝ տեղում ներդրումային տնտեսական ծրագրերի իրականացման հնարավորություններին ծանոթանալու համար:

Հանդիպման վերջում հյուրին փոխանցվեց Հայաստանի տնտեսությանն առնչվող համակարգված տեղեկատվություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր