ՀՀ Գլխավոր դատախազի այցն Իրան

16 նոյեմբերի, 2018

Նոյեմբերի 13-ից 16-ը կայացավ ՀՀ գլխավոր դատախազ Արթուր Դավթյանի այցը Իրանի Իսլամական Հանրապետություն՝ ԻԻՀ գլխավոր դատախազ Մոհամադ Ջաֆար Մոնթազերիի հրավերով:

Նոյեմբերի 14-ին տեղի ունեցավ երկու երկրների դատախազների հանդիպումը՝ պատվիրակությունների մասնակցությամբ: Քննարկվեցին իրավական ոլորտում համագործակցության մի շարք հարցեր՝ մասնավորապես հանցավորության և թմրանյութների ապօրինի շրջանառության դեմ պայքարի, քրեական գործերով իրավական փոխօգնության, տեղեկատվության և փորձի փոխանակման ոլորտներում: Այդ համատեքստում ընդգծվեց երկու երկրների գլխավոր դատախազությունների միջև փոխգործակցության ակտիվացման կարևորությունը:

Հանդիպման ավարտին ՀՀ գլխավոր դատախազ Արթուր Դավթյանը և ԻԻՀ գլխավոր դատախազ Մոհամադ Ջաֆար Մոնթազերին ստորագրեցին Հայաստանի Հանրապետության գլխավոր դատախազության և Իրանի Իսլամնական Հանրապետության գլխավոր դատախազության միջև 2019-2020 թվականների համագործակցության մասին ծրագիրը:

Այցի շրջանակում ՀՀ գլխավոր դատախազ Արթուր Դավթյանը այցելեց ԻԻՀ «Էվին» քրեակատարողական հիմնարկ:

Թեհրանում ՀՀ դեսպանության նախաձեռնությամբ Արթուր Դավթյանը նաև հանդիպում ունեցավ իրանահայ համայնքի ներկայացուցիչների հետ, ինչպես նաև այցելեց Թեհրանի Հայոց թեմի առաջնորդարան:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր