«Շարիֆ» հիմնադրամի գործադիր տնօրենի այցը ՀՀ դեսպանություն

13 դեկտեմբերի, 2018

Դեկտեմբերի 13-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց «Շարիֆ» հիմնադրամի գործադիր տնօրեն Փիրուզ Ղոֆրանիին: Հիմնադրամի գործունեության հիմնական թիրախներն են գիտակրթական ծրագրերի ֆինանսավորումը և արտասահմանյան նմանատիպ հաստատությունների հետ կապերի ստեղծումը:

Դեսպան Թումանյանն իր զրուցակցին ներկայացրեց ՀՀ-ում տեղի ունեցող գիտակրթական գործընթացները, ԲՈՒՀ-երի գործունեությունը, ինչպես նաև խոսեց Հայաստանի և Իրանի գիտակրթական, գիտահետազոտական կենտրոնների միջև համագործակցության հնարավորությունների մասին:

Հիմնադրամի գործադիր տնօրեն Փ. Ղոֆրանին պատրաստակամություն հայտնեց մոտ ժամանակներս մեկնել Հայաստան՝ տեղում ծանոթանալու Հայաստանի գիտակրթական համակարգին և հայկական կողմի հետ քննարկելու միջբուհական համագործակցության զարգացման հնարավորությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր