Հայ-իրանական հարաբերություններին նվիրված համաժողով

17 դեկտեմբերի, 2018

Դեկտեմբերի 17-ին Իրանի Հայ արհեստավորների միության «Արամ Մանուկյան» սրահում Թեհրանի Հայ դատի հանձնախմբի (ՀՈՒՍԿ) և «Իրան-Հայաստան բարեկամություն» միության նախաձեռնությամբ կազմակերպվեց համաժողով, որը կրում էր «Հայաստանի և Իրանի հարաբերությունները. հնարավորություններ և մարտահրավերներ» խորագիրը:

Միջոցառմանը մասնակցում էր ԻԻՀ-ում ՀՀ արտակարգ և լիազոր դեսպան Արտաշես Թումանյանը: Իր ելույթի մեջ ՀՀ դեսպանը ներկայացրեց 2018 թ. ընթացքում Հայաստանում տեղի ունեցած զարգացումները, արտահերթ խորհրդարանական ընտրությունների արդյունքները, ինչպես նաև խոսեց ամերիկյան պատժամիջոցների պայմաններում Իրանի հետ հարաբերությունների զարգացման հնարավորությունների մասին:

Ելույթներով հանդես եկան ԻԻՀ ԱԳՆ Կովկասի վարչության պետ Մոհսեն Ֆաղանին, Կենտրոնական Ասիայի և Կովկասի հարցերով փորձագետ Վալի Քուզեգար Քալեջին և այլ իրանցի փորձագետներ:

Միջոցառման վերջում մասնակիցների միջև տեղի ունեցան քննարկումներ և մտքերի փոխանակում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր