«Թևանիկ» խմբի այցը ՀՀ դեսպանություն

10 հունվարի, 2019

Հունվարի 10-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց «Թևանիկ» բարեսիրական խմբի ղեկավար Իվետ Դանիելյանին և խմբի այլ ներկայացուցիչների:

Ողջունելով հյուրերին՝ դեսպան Ա. Թումանյանը խոսեց 2019 թվականի ընթացքում Հայաստանում սպասվող քաղաքական, տնտեսական և մշակութային զարգացումների, ինչպես նաև հայ-իրանական կապերի ամրապնդման հնարավորությունների մասին:

«Թևանիկ» խմբի ղեկավար Ի. Դանիելյանը, խոսելով բարեսիրական խմբի գործունեության և ձեռքբերումների մասին, ներկայացրեց Հայաստանում և Արցախում իրականացվելիք առաջիկա ծրագրերը:

ՀՀ պետական մարմիններին առնչվող մի շարք խնդիրների լուծման հետ կապված պայմանավորվածություն ձեռք բերվեց «Թևանիկ» խմբին օգնություն ցուցաբերելու հարցում:

ՀՀ դեսպանը պատրաստակամություն հայտնեց շարունակել աջակցությունը խմբի հայրենանվեր գործունեությանը՝ կարևորելով համատեղ ծրագրերի իրականացումը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր