Դեսպան Թումանյանն ընդունեց «Irsa Middle East» ընկերության ներկայացուցիչներին

26 հունվարի, 2019

Հունվարի 26-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց «Irsa Middle East» ընկերության ներկայացուցիչներին:

Դեսպան Թումանյանը զրուցակիցներին ներկայացրեց Հայաստանում տնտեսական գործունեություն իրականացնելու հնարավորությունները, ներդրումային ծրագրերը, բանկային համակարգը, օրենսդրական կարգավորումները և այլն:

«Irsa Middle East»-ի գլխավոր տնօրեն Ա. Փիրնիաքան, խոսելով տարբեր ոլորտներում ընկերության ծավալած գործունեության մասին, ցանկություն հայտնեց գործուղվել Հայաստան և հայկական կողմի հետ քննարկել Հայաստանում տարբեր ոլորտներում, այդ թվում սննդաարդյունաբերության մեջ ներդրումներ կատարելու խնդիրը:

Դեսպան Թումանյանն իր օժանդակությունը հայտնեց վերոնշյալ նախաձեռնությանը՝ նշելով հայկական կողմի հետ անհրաժեշտ հանդիպումների կազմակերպման պատրաստակամության մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր