ՀՀ դեսպանն ընդունեց «Balin Tech» ընկերության ղեկավարությանը

12 հոկտեմբերի, 2019

Հոկտեմբերի 12-ին ԻԻՀ-ում ՀՀ արտակարգ և լիազոր դեսպան Արտաշես Թումանյանն ընդունեց «Balin Tech» իրանական ընկերության գործադիր տնօրեն Մոհամադ Ռեզա Քաքավանդին:

Վերջինս ներկայացրեց «Balin Tech»-ի գործունեությունը մեքենաշինական արդյունաբերության ոլորտում և հետաքրքրվեց Հայաստանում տնտեսական ծրագրեր իրագործելու հնարավորություններով:

Ա. Թումանյանը հանգամանորեն ներկայացրեց Հայաստանում գործարար միջավայրի վիճակը և ներդրումային ծրագրեր իրականացնելու պայմանները: Մասնավորապես, ՀՀ դեսպանը խոսեց ԵԱՏՄ-Իրան ազատ առևտրի համաձայնագրի ընդունմամբ ստեղծված բարենպաստ պայմանների մասին և առաջարկեց դրանք ուսումնասիրելուց հետո քննարկել Հայաստանում գործունեություն իրականացնելու հնարավորությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր