Հանդիպում ԻԻՀ Մեջլիսի տնտեսական հարցերի հանձնաժողովի նախագահի հետ

10 նոյեմբերի, 2019

Նոյեմբերի 10-ին Իրանի Իսլամական Հանրապետությունում ՀՀ արտակարգ և լիազոր դեսպան Արտաշես Թումանյանը հանդիպում ունեցավ ԻԻՀ Մեջլիսի տնտեսական հարցերի հանձնաժողովի նախագահ Էլիաս Հազրաթիի հետ:

Հանդիպման ընթացքում քննարկվեցին հայ-իրանական հարաբերությունների տարբեր ոլորտներին վերաբերող հարցեր, այդ թվում՝ համատեղ ենթակառուցվածքային ծրագրերի իրականացման ընթացքը: Այդ կապակցությամբ դեսպան Թումանյանը հատուկ անդրադարձ կատարեց ՀՀ-ԻԻՀ երրորդ բարձավոլտ էլեկտրահաղորդման գծի շինարարությանը և նշեց դրա կարևորությունը՝ գազ-էլեկտրաէներգիա փոխանակման ծավալների մեծացման, երկկողմ տնտեսական կապերի ամրապնդման և էներգետիկ համակարգի կայունության ապահովման առումով:

ՀՀ դեսպանը նաև խոսեց ԵԱՏՄ-Իրան ազատ առևտրի համաձայնագրի մասին՝ նշելով դրա ընդունումից հետո ստեղծված տնտեսական հարաբերությունների զարգացման նոր հնարավորությունների մասին:

Զրուցակիցները վերահաստատեցին երկու երկրների իշխանությունների կամքի առկայությունը քաղաքական, տնտեսական, մշակութային և այլ ասպարեզներում հարաբերությունների հետագա զարգացման գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր