Լոռու մարզպետի գլխավորած պատվիրակության այցն ԻԻՀ Մազանդարան նահանգ

13 նոյեմբերի, 2019

ԻԻՀ-ում ՀՀ դեսպանության նախապատրաստական աշխատանքների արդյունքում նոյեմբերի 9-ից 12-ն Իրանի Մազանդարան նահանգում է գտնվել Լոռու մարզպետ Անդրեյ Ղուկասյանի գլխավորած պատվիրակությունը: Այցի շրջանակներում մարզպետ Ա. Ղուկասյանը և Մազանդարանի նահանգապետ Ա. Հոսեյնզադեգանն ստորագրել են փոխըմբռնման հուշագիր Լոռու և Մազանդարանի միջև համագործակցության վերաբերյալ:

Նահանգապետ Ա. Հոսեյնզադեգանի հետ հանդիպման ժամանակ քննարկվել են տնտեսության, զբոսաշրջության և այլ ոլորտներում երկու երկրների միջև ապակենտրոնացված համագործակցության զարգացման, մասնավորապես՝ առևտրաշրջանառության ծավալների մեծացման, ներդրումային ծրագրերի իրականացման հնարավորությունները, զբոսաշրջության ցուցանիշների բարելավման և մի շարք այլ խնդիրներ:

Այցի շրջանակներում Ա. Ղուկասյանի գլխավորած պատվիրակությունը եղել է Մազանդարանի առևտրի, արդյունաբերության, հանքերի և գյուղատնտեսության պալատում, որտեղ կայացել է հանդիպում գործարար շրջանակների ներկայացուցիչների հետ:

Մազանդարան նահանգ կատարած այցի ընթացքում մարզպետ Ա. Ղուկասյանի գլխավորած պատվիրակությունը եղել է մի շարք արտադրական ձեռնարկություններում, ծանոթացել դրանց արտադրական հնարավորություններին և քննարկել հայկական կողմի հետ համագործակցության հնարավորությունները:

Հայկական պատվիրակությունը նաև եղել է ԻԻՀ-ում ՀՀ դեսպանությունում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր