ՀՀ ոստիկանության բարձրաստիճան ներկայացուցիչների այցը Թեհրան

15 նոյեմբերի, 2019

Նոյեմբերի 12-ից 14-ը պաշտոնական այցով ԻԻՀ է ժամանել ՀՀ ոստիկանության կազմակերպված հանցավորության դեմ պայքարի գլխավոր վարչության պատվիրակությունը՝ կազմակերպված հանցավորության դեմ պայքարի գլխավոր վարչության պետի պաշտոնակատար, ոստիկանության գնդապետ Արթուր Մարտիրոսյանի գլխավորությամբ:

Պատվիրակությունը Թեհրանում հանդիպումներ է ունեցել ԻԻՀ թմրամիջոցների դեմ պայքարի ոստիկանության ղեկավար, բրիգադի գեներալ Մոհամմադ Մասուդ Զահեդիանի, Թեհրանի ինտերպոլի ղեկավար, բրիգադի գեներալ Հադի Շիրզադիի և ԻԻՀ ոստիկանության տեղեկատվության և հասարակական անվտանգության վարչության պետ, բրիգադի գեներալ Բաբայիի հետ:

Հանդիպումների ընթացքում քննարկվել են Հայաստանի և Իրանի ոստիկանությունների միջև համագործակցության խորացման ռազմավարությունը, պայմանավորվածություն է ձեռք բերվել ՀՀ-ԻԻՀ սահմանային անցակետում տարեկան երկու անգամ կազմակերպել Հայաստանի և Իրանի ոստիկանության ներկայացուցիչների հանդիպումներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր