Գործարար-համաժողով Թեհրանի առևտրի, արդյունաբերության, հանքերի և գյուղատնտեսության պալատում

25 նոյեմբերի, 2019

Նոյեմբերի 25-ին Թեհրանի առևտրի, արդյունաբերության, հանքերի և գյուղատնտեսության պալատում տեղի ունեցավ գործարար-համաժողով, որը կազմակերպվել էր ՀՀ դեսպանության, Իրան-Հայաստան առևտրի և Թեհրանի առևտրի, արդյունաբերության, հանքերի և գյուղատնտեսության պալատների նախաձեռնությամբ և կրում էր «Հայաստան-Իրան առևտրային հարաբերությունների զարգացման ուղիները» խորագիրը:

Մինչ համաժողովի սկսվելը ՀՀ դեսպան Արտաշես Թումանյանի և Թեհրանի առևտրի, արդյունաբերության, հանքերի և գյուղատնտեսության պալատի նախագահ Մասուդ Խանսարիի միջև տեղի ունեցած հանդիպման ընթացքում քննարկվեցին Հայաստան-Իրան տնտեսական հարաբերությունների զարգացմանն առնչվող հարցերի լայն շրջանակ:

Համաժողովի ընթացքում զեկուցումներով հանդես եկան դեսպան Ա. Թումանյանը, Իրան-Հայաստան առևտրի պալատի նախագահ Հ. Յարիջանյանը, ԻԻՀ ԱԳՆ Կովկասի վարչության պետ Մոհսեն Ֆաղանին և Թեհրանի պալատի ներկայացուցիչները:

Իր ելույթում ՀՀ դեսպանը ներկայացրեց Հայաստան-Իրան տնտեսական հարաբերությունների ներկա վիճակը և զարգացման հեռանկարները: Ա. Թումանյանը հատուկ անդրադարձ կատարեց ԵԱՏՄ-Իրան ազատ առևտրի ժամանակավոր համաձայնագրի կենսագործման հիմնախնդիրներին, երկու երկրների պետական մարմինների, հասարակական կազմակերպությունների և տնտեսվարողների անելիքներին:

ՀՀ դեսպանն իր խոսքի մի զգալի հատվածը հատկացրեց Հայաստանի գործարար միջավայրի և ներդրումային ծրագրեր իրականացնելու համար ստեղծված բարենպաստ պայմանների ներկայացմանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր