2022թ․ հունիսի 14-ից 17-ը պաշտոնական այցով ԻԻՀ-ում էր գտնվում ՀՀ ԱԺ նախագահ Ալեն Սիմոնյանի գլխավորած պատվիրակությունը։

14 հունիսի, 2022

2022թ-ի հունիսի 14-ից 17-ը պաշտոնական այցով ԻԻՀ-ում էր գտնվում ՀՀ ԱԺ նախագահ Ալեն Սիմոնյանի գլխավորած պատվիրակությունը։

2022թ-ի հունիսի 15-ին տեղի է ունեցել ՀՀ ԱԺ նախագահ Ա.Սիմոնյանի հանդիպումը ԻԻՀ Մեջլիսի նախագահ Մոհամադ Բաղեր Ղալիբաֆի հետ։

Հանդիպման ընթացքում քննարկվել են ինչպես միջխորհրդարանական, այնպես էլ քաղաքական և տնտեսական համագործակցությանն առնչվող հարցեր։

Երկկողմ հանդիպմանը հաջորդել է երկու երկրների խորհրդարանների ղեկավարների մամուլի ասուլիսը:

ՀՀ ԱԺ նախագահն իր գործընկերոջը փոխադարձ այցով հրավիրել է ՀՀ։

2022թ-ի հունիսի 15-ին ՀՀ ԱԺ նախագահ Ալեն Սիմոնյանի գլխավորած պատվիրակությանն ընդունել է նաև ԻԻՀ նախագահ Էբրահիմ Ռայիսին:

Զրուցակիցներն անդրադարձել են օրենսդիր մարմինների միջև համագործակցությանը, երկկողմ տնտեսական հարաբերություններին եւ ենթակառուցվածքային համատեղ ծրագրերի իրականացմանը։

ՀՀ ԱԺ նախագահն ԻԻՀ նախագահին է փոխանցել է ՀՀ վարչապետ Նիկոլ Փաշինյանի ջերմ բարեմաղթանքները և վերահաստատել Հայաստան պաշտոնական այց կատարելու հրավերը:

ԻԻՀ նախագահը կարևորել է Իրանի և Հայաստանի միջեւ առկա ջերմ հարաբերությունների ամրապնդման գործում օրենսդիր մարմինների համագործակցությունը։

2022թ-ի հունիսի 16-ին տեղի է ունեցել ՀՀ ԱԺ նախագահ Ալեն Սիմոնյանի հանդիպումը ԻԻՀ ԱԳ նախարար Հոսեյն Ամիր Աբդոլլահիանի հետ։

Հանդիպման ընթացքում կողմերն անդրադարձել են 30 տարվա դիվանագիտական հարաբերություններին, ՀՀ Սյունիքի մարզում իրանական կողմից դրսևորվող ներդրումային հետաքրքրություններին՝ այդ առումով կարևորելով Կապանում ԻԻՀ գլխավոր հյուպատոսության հիմնումը, ինչպես նաեւ, փոխադարձաբար, Թավրիզում ՀՀ գլխավոր հյուպատոսություն բացելու անհրաժեշտությունը:

2022թ-ի հունիսի 16-ին ՀՀ ԱԺ նախագահի՝ ԻԻՀ այցի շրջանակներում առանձին հանդիպում է տեղի ունեցել ՀՀ ԱԺ Հայաստան-Իրան բարեկամական խմբի և ԻԻՀ Մեջլիսի Իրան-Հայաստան բարեկամական խմբի անդամների միջև:

Հանդիպման ընթացքում քննարկվել են երկկողմ տնտեսական հարաբերությունների զարգացմանը, գյուղատնտեսության, էներգետիկայի և մի շարք այլ ոլորտներում համագործակցության ընդլայնմանը վերաբերող հարցեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր