Հայկական պատվիրակության այցելությունը Ահվազ

14 դեկտեմբերի, 2022

Դեկտեմբերի 14-15-ը ԻԻՀ-ում ՀՀ արտակարգ և լիազոր դեսպան Արսեն Ավագյանի գլխավորած պատվիրակությունը, որի կազմում էր նաև ԵՊՀ Արևելագիտության ֆակուլտետի Իրանագիտության ամբիոնի վարիչ Վարդան Ոսկանյանը, այցելել է Իրանի Իսլամական Հանրապետության Խուզեստան նահանգ՝ Ահվազ քաղաք, հանդիպում է ունեցել Ահվազի Շահիդ Չամրանի անվան համալսարանի ղեկավարության և պրոֆեսորադասախոսական կազմի հետ, այցելել է համալսարանի գրադարան, ինչպես նաև պարսից լեզվի ուսուցման կենտրոն։

Մասնավորապես քննարկվել են Երևանի պետական համալսարանի և Ահվազի Շահիդ Չամրանի անվան համալսարանի միջև համագործակցության հնարավորությունները, այդ թվում՝ պարսից լեզվի ուսուցման հնարավորությունը, որը առկա է համալսարանի մասնագիտացված կենտրոնում։ Համաձայնություն է ձեռք բերվել փոխայցերի, համատեղ միջոցառումների, լեզվի դասընթացների կազմակերպման համար։

ՀՀ և ԻԻՀ միջև դիվանագիտական հարաբերությունների հաստատման 30 ամյակի առթիվ Ահվազի համալսարանում տեղի է ունեցել Երևանի Մատենադարանում պահվող ղաջարական շրջանին վերաբերող մի շարք փաստաթղթերի պատճենների ցուցահանդեսի բացում և այս տարի լույս տեսած մի քանի գրքերի շնորհանդես։ Մասնավորապես ներկայացվել են ՀՀ ԱԳՆ Սահմանակից երկրների վարչության պետ, բանասիրական գիտությունների թեկնածու Վահագն Աֆյանի հեղինակած պարսկերեն-հայերեն, հայերեն-պարսկերեն Դիվանագիտական բառարանը, Աբբաս Էղբալ Մեհրանի <<Բարև՛, Հայաստան>> բանաստեղծությունների հավաքածուն, ինչպես նաև Գրիգորիս Բալաքյանի <<Հայ Գողգոթան>>, Սերո Խանզադյանի <<Շուշին>>, Հրանտ Մաթևոսյանի <<Գոմեշը>>, որոնք հայերենից պարսկերեն թարգմանել է ԻԻՀ-ում ՀՀ դեսպանության թարգմանիչ Նորայր Մեհրաբյանը։

Պատվիրակության անդամները այցելել են նաև Խուզեստանի Տեխնոլոգիական պարկի մի շարք ընկերություններ, քննարկվել են նշված ընկերությունների Հայաստանում համատեղ ձեռնարկություններ հիմնելու և համագործակցության հնարավորությունները։ Ձեռք են բերվել համագործակցության պայմանավորվածություններ։

Մանրամասները՝ ստորև

https://scu.ac.ir/article/8999907

https://scu.ac.ir/article/9001762

https://scu.ac.ir/article/9002824

https://scu.ac.ir/article/9002739

https://scu.ac.ir/article/9001762

https://scu.ac.ir/article/9002185

https://scu.ac.ir/article/9001913

https://www.irna.ir/news/84970571/%D9%86%D9%85%D8%A7%DB%8C%D8%B4%DA%AF%D8%A7%D9%87-%D8%A7%D8%B3%D9%86%D8%A7%D8%AF-%D9%87%D9%85%DA%A9%D8%A7%D8%B1%DB%8C-%D9%87%D8%A7%DB%8C-%D8%A7%DB%8C%D8%B1%D8%A7%D9%86-%D9%88-%D8%A7%D8%B1%D9%85%D9%86%D8%B3%D8%AA%D8%A7%D9%86-%D8%AF%D8%B1-%D8%AF%D8%A7%D9%86%D8%B4%DA%AF%D8%A7%D9%87-%D8%B4%D9%87%DB%8C%D8%AF-%DA%86%D9%85%D8%B1%D8%A7%D9%86

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր