Սպահանի հայոց թեմի եկեղեցիներում նշվեցին Ճրագալույցը եւ Ս. Ծննդյան տոնը

05 հունվարի, 2023

Հունվարի 5-ի երեկոյան, Ճրագալույցի առիթով, նախագահությամբ Սպահանի հայոց թեմի Առաջնորդ գերշ. Տ. Սիփան Ս. Եպս. Քեչեճյանի և ձեռամբ արժ. Տ. Խաչատուր քհն. Զարգարյանի, Սուրբ եւ Անմահ Պատարագ տեղի ունեցավ Նոր Ջուղայի «Ս. Ստեփանոս» եկեղեցում: Այս առիթով Սուրբ եւ Անմահ Պատարագ մատուցվեց նաև Շահինշահրի «Սրբոց Վարդանանց» եկեղեցում՝ ձեռամբ արժ. Տ. Սահակ քհն. Մինասյանի:

Ծննդյան տոնի առթիվ Սուրբ եւ Անմահ Պատարագ մատուցվեց եւ Ջրօրհնեքի կարգ կատարվեց նաև Շահինշահրի «Սրբոց Վարդանանց» եկեղեցում՝ ձեռամբ Տ. Սահակ քհն. Մինասյանի, ուր ընթերցվեց թեմակալ Առաջնորդ Սրբազան Հոր պատգամը:

Նուն օրը Ջրօրհնեքի կարգ կատարվեց նաև Նոր Ջուղայի «Ս. Մինաս», «Ս. Ստեփանոս» եւ «Ս. Յովհաննու Կարապետ» եկեղեցիներում, Ս. Ամենափրկիչ վանքի «Ս. Յովսեփ Արիմաթացի» եկեղեցում Ջրօրհնեքի կարգը կատարվեց երեկոյան ժամը 5:00-ին, նախագահությամբ գերշ. Տ. Սիփան Ս. Եպս. Քեչեճյանի, որից հետո թեմակալ Առաջնորդ Սրբազան Հայրն ընդունեց ազգայինների եւ ժողովրդի շնորհավորանքները՝ տոնի առիթով:

Վերոնշյալ արարողություններին ներկա էին ազգային մարմինների եւ Հայ Դատի հանձնախմբի ներկայացուցիչներն ու հոծ թվով ժողովուրդ: «Ս. Ստեփանոս» եկեղեցում մատուցված Ճրագալույցի Պատարագին, իսկ «Ս. Բեթղեհեմ» եկեղեցում իրականացված Ս. Ծննդյան տոնի Պատարագին եւ Ջրօրհնեքի կարգին ներկա էր նաև Իրանում Հայաստանի Հանրապետության արտակարգ եւ լիազոր դեսպան Արսեն Ավագյանը՝ ընտանյոք:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր