ՀՀ առողջապահության նախարար Անահիտ Ավանեսյանի և ԻԻՀ Առողջապահության և բժշկական կրթության նախարար Բահրամ Էյնոլլահիի երկկողմ հանդիպումը

21 հունվարի, 2023

«Ազդեցիկ կանանց առաջին միջազգային համաժողովի» շրջանակներում ՀՀ առողջապահության նախարար Անահիտ Ավանեսյանն ու Իրանի Իսլամական Հանրապետության առողջապահության և բժշկական կրթության նախարար Բահրամ Էյնոլլահին երկկողմ հանդիպում են ունեցել։

Կողմերը ջերմ ողջունել են միմյանց՝ ընդգծելով հայ-իրանական հարաբերությունների բարձր մակարդակը։

Բահրամ Էյնոլլահին նշել է, որ քաջատեղյակ է մեր երկրի բոլոր խնդիրներին և մարտահրավերներին և իր պատրաստակամությունն է հայտնել աջակցելու հայ ժողովրդին։

Անահիտ Ավանեսյանը նշել է, որ Հայաստանը պատրաստ է խորացնելու Իրանի հետ հարաբերությունները առողջապահության ոլորտում, մասնավորապես ուռուցքաբանության և օրգանների փոխպատվաստման ոլորտներում՝ հաշվի առնելով Իրանի հաջողված փորձը, գործուն քայլեր կարող են անել նաև դեղագործության ոլորտում գործակցությունը ակտիվացնելու ուղղությամբ։

Նշվել է, որ Հայաստանը կարող է հարթակ դառնալ Իրանի դեղագործների համար՝ իրենց դեղարտադրողների ցուցահանդեսը կազմակերպելու համար։ Պայմանավորվածություն է ձեռք բերվել դեղագործության, դեղարտադրության, ինչպես նաև դեղերի գրանցման ոլորտում հարաբերությունները սերտացնելու ուղղությամբ։

Հանդիպման ավարտին կայացած ճեպազրույցի ընթացքում նախարարները վերահաստատել են հայ-իրանական համագործակցությունը խորացնելու և ավելի գործնական հիմքերի վրա դնելու ջանքերը։

https://iranpress.com/content/72090/iran-armenia-develop-health-cooperation

https://farsi.iranpress.com/iran-i226264-%D8%B3%D9%86%D8%AF_%D9%87%D9%85%DA%A9%D8%A7%D8%B1%DB%8C_%D8%A8%D9%87%D8%AF%D8%A7%D8%B4%D8%AA%DB%8C_%D8%A7%DB%8C%D8%B1%D8%A7%D9%86_%D9%88_%D8%A7%D8%B1%D9%85%D9%86%D8%B3%D8%AA%D8%A7%D9%86_%D8%A7%D9%85%D8%B6%D8%A7_%D9%85%DB%8C_%D8%B4%D9%88%D8%AF

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր