Հայաստան-Իրան առևտրաշրջանառության ծավալների աճի հնարավորությունների քննարկմանը նվիրված միջոցառում

20 փետրվարի, 2023

Առևտրի զարգացման կազմակերպության նախագահ, Արդյունաբերության, հանքերի ու առևտրի փոխնախարար Փեյման Փաքը, խոսելով Իրան-Հայաստան առևտուրը երեք միլիարդ դոլլարի հասցնելու նպատակի մասին, նշեց, որ Հայաստան արտահանող երկրների շարքում ներկայում Իրանը Ռուսաստանից ու Չինաստանից հետո երրորդ տեղում է։

Առևտրի զարգացման կազմակերպության լրատվական կայքէջի հաղորդմամբ փետրվարի 20-ին Թեհրանում մեկօրյա աշխատանքային նիստ էր կազմակերպվել կազմակերպության նախագահ Փեյման Փաքի գլխավորությամբ՝ գործարարներին Հայաստանի շուկային ծանոթացնելու և Երևանում Իրանի առևտրի կենտրոնը ներկայացնելու նպատակով։ Նիստին ներկա էին կազմակերպության Ռուսաստանի, Կովկասի ու Միջին Ասիայի գրասենյակի գլխավոր տնօրեն Ռահմաթօլլահ Խորմալին, Հայաստանում ԻԻՀ արտակարգ և լիազոր դեսպան Աբբաս Բադախշան Զոհուրին, ԻԻՀ-ում ՀՀ արտակարգ և լիազոր դեսպան Արսեն Ավագյանը, երկու երկրների առևտրական կցորդները, պետական և մասնավոր հատվածի ներկայացուցիչներ ու գործարարներ։

Արդյունաբերության, հանքերի ու առևտրի փոխնախարար և Առևտրի զարգացման կազմակերպության նախագահ Փեյման Փաքը այդ նիստում ասաց, որ ներկա դրությամբ արտահանումների ծավալը դեպի Հայաստան 437 միլիոն դոլար է, բայց երկու պետությունների միջև առևտրաշրջանառությունը նախատեսվում է հասցնել 3 միլիարդ ԱՄՆ դոլարի։

Անդրադառնալով Իրանի և Հայաստանի միջև շատ բարենպաստ քաղաքական հարաբերություններին և առևտուրը խթանելու երկու կառավարությունների վճռականությանը, ինչպես նաև ԵԱՏՄ–ի հետ ազատ առևտրի համաձայնագրի ստորագրման բանակցությությունների ավարտին, նշեց․ «Հայաստանը ԵԱՏՄ անդամ միակ երկիրն է, որ մեզ հետ սահմանակից է և կարող է հաղորդակցական կամուրջ հանդիսանալ Իրանի ու այդ միության շուկայի միջև»։

Փեյման Փաքը նաև խոսեց Հայաստանի ճանապարհների ու շինարարության, վերականգնող էներգետիկայի, ջրամբարաշինության և ոռոգման համակարգի ոլորտում իրանական ընկերությունների ինժիներա-տեխնիկական ծառայությունների ունեցած կարողությունների մասին։

Հանդիպմանը հանգամանալից ներկայացվեց նաև Երևանում Իրանի առևտրի կենտրոնը։

https://news.tpo.ir/%d8%a7%d8%ae%d8%a8%d8%a7%d8%b1/%d8%a7%db%8c%d8%b1%d8%a7%d9%86-%d8%b3%d9%88%d9%85%db%8c%d9%86-%da%a9%d8%b4%d9%88%d8%b1-%d8%b5%d8%a7%d8%af%d8%b1%da%a9%d9%86%d9%86%d8%af%d9%87-%d8%a8%d8%b1%d8%aa%d8%b1-%d8%a8%d9%87-%d8%a7%d8%b1%d9%85%d9%86%d8%b3%d8%aa%d8%a7%d9%86%e2%81%84-%d9%87%d8%af%d9%81%da%af%d8%b0%d8%a7%d8%b1%db%8c-%d8%aa%d8%ac%d8%a7%d8%b1%d8%aa-3-%d9%85%db%8c%d9%84%db%8c%d8%a7%d8%b1%d8%af-%d8%af%d9%84%d8%a7%d8%b1%db%8c-%d8%a8%d8%a7-%d8%a7%d8%b1%d9%85%d9%86%d8%b3%d8%aa%d8%a7%d9%86

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր