Թեհրանի Ս. Սարգիս առաջնորդանիստ մայր եկեղեցու օծման 50-ամյա հոբելյանը

12 մայիսի, 2023

Մայիսի 12-ին յուրահատուկ միջոցառմամբ եւ գեղարվեստական հագեցած ծրագրով, հովանավորությամբ և նախագահությամբ Թեհրանի Հայոց Թեմի առաջնորդ Տ. Սեպուհ արք. Սարգսյանի և կազմակերպությամբ Ս. Սարգիս եկեղեցու Եկեղեցական խորհրդի, տեղի ունեցավ Թեհրանի Ս. Սարգիս առաջնորդանիստ մայր եկեղեցու օծման 50-ամյակին նվիրված հոբելյանական միջոցառում՝ Ս. Սարգիս եկեղեցում:

Տերունական աղօթքով մեկնարկած միջոցառմանը Տ. Վաղինակ ծ. վրդ. Մելոյանը ընթերցեց Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Ա Վեհափառ Հայրապետի հղած կոնդակը՝ 50-ամյա հոբելյանի կապակցությամբ:

Ծրագրին հանդիսատեսը վայելեց մաեստրո Ռազմիկ Օհանյանի խմբավարությամբ հոբելյանական երգչախմբի, Արփինե Հարությունյանի ղեկավարությամբ «Էլպիս Ֆերահյան» մանկապարտեզի և Արփի Սիմրոջյանի խմբավարությամբ Թ.Հ.Թ. Կրթական խորհրդի «Նոր Ձայներ» երգչախմբերի կատարումները:

Ցուցադրվեց եկեղեցու 50-ամյա անցած ուղին պատկերող տեսաֆիլմ, եզրափակիչ խոսք ներկայացրեց Թեհրանի Հայոց Թեմի առաջնորդ Տ. Սեպուհ արք. Սարգսյանը:

Միջոցառմանը ներկա էր ԻԻՀ-ում ՀՀ արտակարգ և լիազոր դեսպան Արսեն Ավագյանը։

https://www.tehranprelacy.com/9-content-hy/news-hy/4097-2023051302

https://alikonline.ir/news/community/tehran/item/82964-%D5%B6%D5%B7%D6%82%D5%A5%D6%81%D5%9D-%D5%A9%D5%A5%D5%B0%D6%80%D5%A1%D5%B6%D5%AB-%D5%BD-%D5%BD%D5%A1%D6%80%D5%A3%D5%AB%D5%BD-%D5%A1%D5%BC%D5%A1%D5%BB%D5%B6%D5%B8%D6%80%D5%A4%D5%A1%D5%B6%D5%AB%D5%BD%D5%BF-%D5%B4%D5%A1%D5%B5%D6%80-%D5%A5%D5%AF%D5%A5%D5%B2%D5%A5%D6%81%D5%B8%D6%82-%D6%85%D5%AE%D5%B4%D5%A1%D5%B6-50-%D5%A1%D5%B4%D5%A5%D5%A1%D5%B5-%D5%B5%D5%B8%D5%A2%D5%A5%D5%AC%D5%A5%D5%A1%D5%B6%D5%A8

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր