Օմար Խայամի մեծարման միջոցառում Ահվազում

22 մայիսի, 2023

Մայիսի 22-ին Ահվազի Շահիդ Չամրան համալսարանի գրականության և բանասիրության ֆակուլտետի նախաձեռնությամբ տեղի ունեցավ Օմար Խայամի համաշխարհային օրվան նվիրված մեկօրյա համագումար։

Միջոցառման մեկնարկին հնչեցին ԻԻՀ և ՀՀ օրհներգերը, ինչին հաջորդեց ԻԻՀ–ում ՀՀ արտակարգ և լիազոր դեսպան Արսեն Ավագյանի ողջույնի ուղերձը, որտեղ ասվում էր․ «Ինչպես երևում է համագումարի անվանումից Օմար Խայամը համաշխարհային հանրությանը պատկանող անձնավորություն է` բոլոր ժողովուրդներինը և բոլոր ժամանակներինը՝ գիտնական, մաթեմատիկոս, փիլիսոփա, աստղագետ, բժիշկ ու բանաստեղծ։ Իհարկե Խայամը առաջին հերթին հայտնի է իր քառյակներով՝ ռուբայիներով։ Նա այդ ժանրը հասցրել է իր զարգացման գագաթնակետին և ճանաչվել համաշխարհային գրականության մեջ որպես անգերազանցելի վարպետ։ Խայամի քառյակները հայերեն են թարգմանվել և հրատարակվել Հայաստանում բազմաթիվ հայ թարգմանիչների, ինչպես օրինակ Արշակ Չոբանյանի, Հովսեփ Միրզայանի, Արշակ Աթայանի և Սերգեյ Ումարյանի կողմից։ Խայամագիտության մեջ մեծ վաստակ ունի նաև Էդուարդ Աղայանը։

Խայամի քառյակները պարսից բանաստեղծության լավագույն նմուշներն են համարվում, բազմաթիվ բանաստեղծներ ներշնչվել են նրա գեղեցիկ համեմատություններից և վեհ մտածելակերպից։ Հաֆեզին կարելի է համարել նրա լավագույն հետևորդներից մեկը։

Բազմաթիվ քառյակներ են վերագրվել Խայամին, սակաjն մասնագետների մոտ առկա տարաձայնությունների պատճառով դժվար է որոշել դրանց իսկությունը։ Այդ ոլորտում իրանցի անվանի գիտնականներ ու արևելագետներ ընդարձակ ուսումնասիրություններ են կատարել։

Իրանցի բանաստեղծները, ինչպես օրինակ Ֆիրդուսին, Խայամը, Սաադին ու Հաֆեզը մեծ ճանաչում ունեն Հայաստանում, և հայերը հատուկ սեր են տածում նրանց հանդեպ։ Այդ սիրո և հետաքրքրության պատճառով է, որ հաճախ և տարբեր առիթներով իրանցի հայտնի դեմքերի մեծարման միջոցառումներ են կազմակերպվում ԵՊՀ արևելագիտության ֆակուլտետում, իրանագիտության ամբիոնում»։

https://scu.ac.ir/-/%D8%A7%DB%8C%DB%8C%D9%86-%D8%A8%D8%B2%D8%B1%DA%AF%D8%AF%D8%A7%D8%B4%D8%AA-%D8%AD%DA%A9%DB%8C%D9%85-%D8%AE%DB%8C%D8%A7%D9%85-%D9%86%DB%8C%D8%B4%D8%A7%D8%A8%D9%88%D8%B1%DB%8C-%D8%AF%D8%B1-%D8%AF%D8%A7%D9%86%D8%B4%DA%A9%D8%AF%D9%87-%D8%A7%D8%AF%D8%A8%DB%8C%D8%A7%D8%AA-%D9%88-%D8%B9%D9%84%D9%88%D9%85-%D8%A7%D9%86%D8%B3%D8%A7%D9%86%DB%8C

https://scu.ac.ir/-/%D9%BE%DB%8C%D8%A7%D9%85-%D8%B3%D9%81%DB%8C%D8%B1-%DA%A9%D8%B4%D9%88%D8%B1-%D8%A7%D8%B1%D9%85%D9%86%D8%B3%D8%AA%D8%A7%D9%86-%D8%A8%D9%87-%D9%87%D9%85%D8%A7%DB%8C%D8%B4-%DA%AF%D8%B1%D8%A7%D9%85%DB%8C%E2%80%8C%D8%AF%D8%A7%D8%B4%D8%AA-%D8%AD%DA%A9%DB%8C%D9%85-%D8%B9%D9%85%D8%B1%D8%AE%DB%8C%D8%A7%D9%85-%D8%AF%D8%B1-%D8%AF%D8%A7%D9%86%D8%B4%DA%AF%D8%A7%D9%87-%D8%B4%D9%87%DB%8C%D8%AF-%DA%86%D9%85%D8%B1%D8%A7%D9%86-%D8%A7%D9%87%D9%88%D8%A7%D8%B2

https://scu.ac.ir/-/%D8%AD%DA%A9%DB%8C%D9%85-%D8%B9%D9%85%D8%B1%D8%AE%DB%8C%D8%A7%D9%85-%D8%B1%DB%8C%D8%A7%D8%B6%DB%8C%E2%80%8C%D8%AF%D8%A7%D9%86%D8%8C-%D9%85%D9%86%D8%AC%D9%85-%D9%88-%D8%B3%D8%B1%D8%A7%DB%8C%D9%86%D8%AF%D9%87%E2%80%8C%DB%8C-%D8%B1%D8%A8%D8%A7%D8%B9%DB%8C%D8%A7%D8%AA-%D9%86%D8%BA%D8%B2

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր