Հայկական պատմագրության մասին առցանց քննարկումներ

18 հունիսի, 2023

Հունիսի 18-ին մեկնարկեց Պատմության իրանական ասոցիացիայի` ԻԻՀ-ի Խուզեստան նահանգի մասնաճյուղի և Երևանի պետական համալսարանի Արևելագիտության ֆակուլտետի Իրանագիտության ամբիոնի համատեղ առցանց քննարկումների շարքը՝ նվիրված Իրանի պատմության համար մեծ կարևորություն ու արժեք ունեցող հայկական պատմագրությանը։

Առաջին նիստը նվիրված էր Ղազար Փարպեցու երկերին: Քննարկման բանախոսներն էին Երևանի պետական համալսարանի Արևելագիտության ֆակուլտետի Իրանագիտության ամբիոնի վարիչ իրանագետ՝ պրոֆ. Վարդան Ոսկանյանը և Ահվազի «Շահիդ Չամրան» համալսարանի Գրականության և hումանիտար գիտությունների ֆակուլտետի Պատմության ամբիոնի դասախոս և վերը նշված ասոցիացիայի մասնաճյուղի ղեկավար դոկտ. Շահրամ Ջալիլիանը: Նիստին ներկա էր Ղազար Փարպեցու գիրքը պարսկերենի թարգմանած իրանահայ գրող, թարգմանիչ Գարուն Սարգսյանը: Նիստը վարում էր դոկտ. Աբբաս Էղբալ Մեհրանը:

Այս համագործակցության նպատակներից մեկը ակադեմիական շրջանակներում հայերի և իրանցիների հազարամյա հարաբերությունների և քաղաքակրթական դերակատարության տարբեր շերտերի վերհանումն ու ներկայացումն է պարսկախոս լսարանին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր