Գյումրի - Յազդ քույր քաղաքների հարաբերությունների աշխուժացում - Իրանի Իսլամական Հանրապետությունում Հայաստանի Հանրապետության դեսպանություն

Գյումրի - Յազդ քույր քաղաքների հարաբերությունների աշխուժացում

11 հուլիսի, 2023

Հուլիսի 8-ին Իրանի Յազդ քաղաք են ժամանել Հայաստանի Գյումրի համայնքի ղեկավարի օգնական Արամ Շաբոյանը և համայնքի միջազգային հարցերի բաժնի աշխատակից Կարապետ Խուբեսարյանը։ Հայկական պատվիրակության այցը Յազդ պատմական քաղաքի ՅՈՒՆԵՍԿՕ-ի համաշխարհային ժառանգության ցանկում գրանցվելու 6-րդ տարելիցի կապակցությամբ էր:

Եռօրյա այցի ընթացքում հայկական պատվիրակությունը հանդիպումներ է ունեցել Յազդի քաղաքապետի, քաղաքապետարանի բարձրաստիճան պաշտոնյաների, քաղխորհրդի անդամների և Յազդի առևտրի պալատի պատասխանատուների հետ, այցելել Յազդ քաղաքի պատմամշակութային վայրեր և արդյունաբերական կենտրոններ:

Իրանի Յազդ պատմական քաղաքը և Հայաստանի մշակութային ու պատմական մայրաքաղաք, երկրորդ մեծ քաղաք Գյումրին քույր քաղաքներ են հայտարարվել 2021 թվականին:

Հանդիպումների ընթացքում կողմերը քննարկել են երկու քույր քաղաքների միջև տարբեր ոլորտներում փոխգործակցության զարգացման հնարավորությունները: Արամ Շաբոյանի խոսքով՝ Յազդն ու Գյումրին ունեն մեծ հնարավորություններ ու ներուժ՝ համագործակցությունները խորացնելու համար, մասնավորապես՝ էլեկտրոնիկայի, ծրագրավորման, արդյունաբերության, արվեստի, զբոսաշրջության, առողջապահության և գիտատեխնիկական պարկերի ոլորտներում:

https://www.tasnimnews.com/fa/news/1402/04/17/2922515/%DB%8C%D8%B2%D8%AF-%D9%88-%DA%AF%DB%8C%D9%88%D9%85%D8%B1%DB%8C-%D8%A7%D8%B1%D9%85%D9%86%D8%B3%D8%AA%D8%A7%D9%86-%D8%B8%D8%B1%D9%81%DB%8C%D8%AA-%D9%87%D8%A7%DB%8C-%D9%87%D9%85%DA%A9%D8%A7%D8%B1%DB%8C-%D8%B2%DB%8C%D8%A7%D8%AF%DB%8C-%D8%AF%D8%B1-%D8%AD%D9%88%D8%B2%D9%87-%D9%86%D8%B1%D9%85-%D8%A7%D9%81%D8%B2%D8%A7%D8%B1%DB%8C-%D8%AF%D8%A7%D8%B1%D9%86%D8%AF

https://yazd.iribnews.ir/fa/news/3907140/%D8%AD%D8%AF%D8%A7%DA%A9%D8%AB%D8%B1-%D8%A7%D8%B3%D8%AA%D9%81%D8%A7%D8%AF%D9%87-%D8%A7%D8%B2-%D8%B8%D8%B1%D9%81%DB%8C%D8%AA-%D8%AE%D9%88%D8%A7%D9%87%D8%B1-%D8%AE%D9%88%D8%A7%D9%86%D8%AF%D9%87%E2%80%8C%D9%87%D8%A7%DB%8C-%DB%8C%D8%B2%D8%AF

https://www.irna.ir/news/85162923/%D9%87%DB%8C%D8%A7%D8%AA-%D9%87%D8%A7%DB%8C-%D8%AE%D9%88%D8%A7%D9%87%D8%B1%D8%AE%D9%88%D8%A7%D9%86%D8%AF%D9%87-%D9%87%D8%A7%DB%8C-%D8%AE%D8%A7%D8%B1%D8%AC%DB%8C-%DB%8C%D8%B2%D8%AF-%D9%88%D8%A7%D8%B1%D8%AF-%D8%A7%DB%8C%D9%86-%D8%A7%D8%B3%D8%AA%D8%A7%D9%86-%D8%B4%D8%AF%D9%86%D8%AF

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր