Արամ Խաչատրյանի ծննդյան 120-ամյակին նվիրված համերգ Թեհրանում

23 օգոստոսի, 2023

Օգոստոսի 23-ին Թեհրանի Հ․Մ․Ա․Կ․ «Կոմիտաս» համերգասրահում տեղի ունեցավ Արամ Խաչատրյանի անվան եռյակի համերգը՝ նվիրված աշխարհահռչակ կոմպոզիտոր Արամ Խաչատրյանի ծննդյան 120-ամյակին։ Խաչատրյանի եռյակի՝ դաշնակահարուհի Արմինե Գրիգորյանի, ջութակահար Կարեն Շահգալդյանի և թավջութակահար Կարեն Քոչարյանի անզուգական ելույթն արժանացավ թեհրանահայ հանդիսատեսի ջերմ ընդունելությանը և բարձր գնահատականին։ Համերգի ծրագրում ընդգրկված էին կոմպոզիտորի հայտնի և սիրված ստեղծագործությունները՝ սյուիտ Լերմոնտովի «Դիմակահանդեսը», հատվածներ «Սպարտակ» և «Գայանե» բալետներից, այդ թվում՝ հանրահայտ սուսերով պարը։

Արամ Խաչատրյան եռյակն այցի շրջանակներում քաղաքավարական այցով հանդիպում ունեցավ Թեհրանի Հայոց Թեմի առաջնորդ Սեպուհ արք․ Սարգսյանի հետ, ով մեծապես գնահատելով խմբի դերը մշակութային դիվանագիտության զարգացման գործում, նշեց, որ նման համերգների առավել հաճախ իրականացումն էլ ավելի կնպաստի Հայաստան-Իրան կապերի ամրապնդմանը։

Եռյակի Թեհրանի համերգային այցը ֆինանսավորվել է ՀՀ կառավարության Սփյուռքի գործերի գլխավոր հանձնակատարի գրասենյակի կողմից և կազմակերպվել ԻԻՀ-ում ՀՀ դեսպանության և Հ․Մ․Ա․Կ․-ի համագործակցությամբ:

https://www.tehranprelacy.com/9-content-hy/news-hy/4211-2023082902

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր