Հոբելյանական միջոցառում ԵՊՀ-ում

26 մարտի, 2024

Մարտ 26-ին ԵՊՀ-ում տեղի է ունեցել Արևելագիտության ֆակուլտետի գիտխորհդի ընդլայնված նիստ՝ նվիրված Թյուրքագիտության ամբիոնի վարիչ, պ․գ․թ․, պրոֆեսոր Ալեքսանդր Սաֆարյանի 60-ամյակին։

Ալեքսանդր Սաֆարյանը ծնվել է 1964 թվականի մարտի 24-ին: Պրոֆեսորը 1990 թվականից որպես դասախոս աշխատում է ԵՊՀ արևելագիտության ֆակուլտետի թյուրքագիտության ամբիոնում, իսկ 1996 թվականից մինչ այժմ ԵՊՀ թյուրքագիտության ամբիոնի վարիչն է:

Ալեքսանդր Սաֆարյանին նվիրված գիտխորհրդի ընդլայնված նիստին մասնակցում էին ԵՊՀ ռեկտորը, պրոռեկտորները, տարբեր ֆակուլտետների դեկաններ, ամբիոնների վարիչներ, ուսանողներ։

Միջոցառմանը ներկա էին նաև Իրանի Իսլամական Հանրապետությունում ՀՀ արտակարգ և լիազոր դեսպան, պրոֆեսոր Արսեն Ավագյանը, Հայաստանում Ղազախստանի արտակարգ և լիազոր դեսպան Բոլատ Իմանբաևը, Հայաստանում Թուրքմենստանի արտակարգ և լիազոր դեսպան Մուհամետգելդի Այազովը։ Դեսպաններն իրենց խոսքում ընդգծել են ԵՊՀ-ի, ռեկտոր Հ. Հովհաննիսյանի և պրոֆեսոր Ա. Սաֆարյանի բացառիկ դերը հայ-ղազախական և հայ-թուրքմենական դարավոր բարեկամության ամրապնդման, գիտակրթական և մշակութային կապերի համակողմանի զարգացման գործընթացներում:

https://www.ysu.am/news/55015

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր