Գործարար համաժողով Իրանի առևտրի, արդյունաբերության, հանքերի և գյուղատնտեսության պալատում

05 նոյեմբերի, 2019

Նոյեմբերի 5-ին ԻԻՀ-ում ՀՀ դեսպանության, Իրանի առևտրի, արդյունաբերության, հանքերի և գյուղատնտեսության պալատի և Իրան-Հայաստան առևտրի պալատի համատեղ նախաձեռնությամբ անցկացվեց «ԵԱՏՄ-Իրան համագործակցության հնարավորությունները» խորագրով գործարար համաժողով, որի ընթացքում զեկուցմամբ հանդես եկավ ԻԻՀ-ում ՀՀ արտակարգ և լիազոր դեսպան Ա. Թումանյանը: Միջոցառմանը մասնակցեցին հարյուրից ավելի գործարարներ, ինչպես նաև ԻԻՀ ԱԳՆ և «Արաս» ազատ գոտու ներկայացուցիչները:

Իր ելույթում Ա. Թումանյանն անդրադարձավ ՀՀ գործարար միջավայրի ընձեռած հնարավորություններին, արտաքին տնտեսական կապերի առանձնահատկություններին, Հայաստան-Իրան տնտեսական հարաբերությունների ներկա վիճակին:

ՀՀ դեսպանը ներկայացրեց Եվրասիական տնտեսական միության (ԵԱՏՄ) շրջանակներում իրականացվող ծրագրերն ու ընթացիկ զարգացումները:

Ա. Թումանյանի ելույթի զգալի մասը նվիրված էր ԵԱՏՄ-Իրան ազատ առևտրի համաձայնագրի դրույթների պարզաբանմանը, դրանց կիրառման հնարավորություններին և այդ համատեքստում Հայաստանի ունեցած հատուկ դերակատարությանը:

Համաժողովի ընթացքում ցուցադրվեց Հայաստանի տնտեսական արդի զարգացումները ներակայացնող տեսաֆիլմ: Ներկաներն էլեկտրոնային կրիչներով ստացան ամփոփ տեղեկատվություն Հայաստանի տնտեսության և մի շարք տնտեսական ծրագրերի մասին:

Հանդիպման ավարտին Ա. Թումանյանը պատասխանեց գործարար շրջանակների ներկայացուցիչների հարցերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր