ՀՀ դեսպանի այցը Ղոդս գավառ

27 նոյեմբերի, 2019

Նոյեմբերի 27-ին ԻԻՀ-ում ՀՀ արտակարգ և լիազոր դեսպան Արտաշես Թումանյանի գլխավորած պատվիրակությունն այցելեց Ղոդս գավառ, որտեղ հանդիպեց գավառապետ Լեյլա Վասեղիի, գավառապետարանի աշխատակիցների, մի շարք արդյունաբերական ձեռնարկությունների ղեկավարների, Ազատ համալսարանի ներկայացուցչի և այլ պաշտոնյաների հետ:

Հանդիպման ընթացքում զրուցակիցները քննարկեցին Հայաստանի և Իրանի միջև ապակենտրոնացված համագործակցության զարգացման և տարբեր ոլորտներում Ղոդս գավառի հետ կապերի հաստատման հնարավորությունները:

Դեսպան Թումանյանը, Ղոդսի տնտեսական կարողությունների վերաբերյալ համապատասխան տեղեկատվություն ստանալուց հետո, ներկայացրեց հայաստանյան տնտեսության այն ոլորտները, որոնք կարող են հետաքրքրել իրանական կողմին: Ներկայացվեց Հայաստանի գործարար միջավայրը, ներդրումային ծրագրեր իրականացնելու պայմանները և ԵԱՏՄ-Իրան համագործակցության շրջանակներում Հայաստանի հետ տնտեսական կապերի զարգացման հնարավորությունները:

Այցի շրջանակներում դեսպան Թումանյանը և նրան ուղեկցող պատվիրակությունը եղան մի շարք արդյունաբերական կենտրոններում, մասնավորապես՝ մեքենաշինական (Turbine Machine, Kara Gostar), ճանապարհաշինական (Tabatabai) և սննդաարդյունաբերական (Damdaran) ձեռնարկություններում: Բոլոր այցերի և հանդիպումների ընթացքում քննարկվեցին ԵԱՏՄ-Իրան ազատ առևտրի ժամանակավոր համաձայնագրով ընձեռնված հնարավորությունների արդյունավետ օգտագործման հեռանկարները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր