2022թ․ մայիսի 15-18-ը եռօրյա աշխատանքային այցով ԻԻՀ-ում էր գտնվում ՀՀ տարածքային կառավարման և ենթակառուցվածքների նախարար Գնել Սանոսյանը։

15 մայիսի, 2022

2022թ․ մայիսի 15-ին Թեհրանում նա մասնակցել է «Նավթի, գազի, վերամշակման և նավթաքիմիայի» 26-րդ միջազգային ցուցահանդեսին, ծանոթացել նշյալ ոլորտում իրանական ընկերությունների փորձի և ձեռքբերումների հետ։

Նույն ցուցահանդեսի պաշտոնական բացմանը՝ 2022թ-ի մայիսի 13-ին, ներկա Էր գտնվել նաև ՀՀ վարչապետի խորհրդական Արտաշես Թումանյանը։

2022թ․ մայիսի 16-ին նախարար Գ.Սանոսյանը հանդիպում է ունեցել Իրանի ճանապարհների և քաղաքաշինության նախարար Ռոսթամ Ղասեմիի հետ։ ՀՀ նախարարն ընդգծել է, որ Հայաստանը կարևորում է Հյուսիս-հարավ մայրուղու՝ Սյունիքում կառուցվող հատվածը, որն իրանական բեռնատարների համար առաջիկայում ավելի հարմարավետ կդառնա։ ԻԻՀ նախարարը հայտնել է, որ իրանական կողմում կառուցվում է Թավրիզ-Նորդուզ նոր ճանապարհ, որը զգալի կկրճատի Իրանից Հայաստան տարանցիկ երթուղին։

2022թ․ մայիսի 16-ին ՀՀ նախարար Գ. Սանոսյանը հանդիպել է նաև ԻԻՀ նավթի նախարար Ջավադ Օջիի հետ։ Հանդիպմանը քննարկվել են երկկողմ համագործակցության մի շարք հարցեր՝ գազ-էլեկտրաէներգիայի դիմաց ծրագրի, նավթի վերամշակման, բիտումի գնի և այլնի վերաբերյալ։ ԻԻՀ նախարարը ընդգծել է, որ Իրանի գազի ցանցը պատրաստ է Թուրքմենստանից Հայաստան գազի սվոփ մատակարարումներ սկսել։

2022թ․ մայիսի 17-ին Գ.Սանոսյանն այցելել է «Թեհրան-Հյուսիս» մայրուղի, ծանոթացել ճանապարհաշինության բնագավառում իրանական ընկերությունների ինժեներական և տեխնիկական կարողությունների հետ, կոչ արել համագործակցել Հայաստանի և Իրանի միջև «Հյուսիս-հարավ» տրանսպորտային միջանցքի շինաշխատանքների զարգացման և ավարտին հասցնելու հարցում։ Իր հերթին ԻԻՀ ճանապարհների և քաղաքաշինության նախարարի տեղակալ, ԻԻՀ տրանսպորտային ենթակառուցվածքների շինարարության և զարգացման ընկերության գործադիր տնօրեն Խեյրոլլահ Խադեմին ներկայացրել է Էլբուրս լեռների մեջ կառուցվող մոտ121 կմ երկարությամբ «Թեհրան-Հյուսիս» մայրուղու տեխնիկական նկարագիրը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր