Հայաստան է ժամանել Իրանի կողմից փոխանցված մարդասիրական օգնությունը

07 հունիսի, 2024

Հայաստան է ժամանել Իրանի կողմից փոխանցված մարդասիրական օգնությունը ՀՀ Լոռու մարզում հեղեղներից տուժած բնակչությանը, որը իրանական Կարմիր մահիկի և Հայկական Կարմիր խաչի ընկերության աշխատակիցները հունիսի 7-ին հասցնելու են Ալավերդի։

«Արմենպրես»-ի հաղորդմամբ՝ այդ կապակցությամբ Հայկական Կարմիր խաչի ընկերությունում տեղի է ունեցել ՀՀ-ում Իրանի Իսլամական Հանրապետության փոխդեսպան Բահրամ Թահերիի, քաղաքական հարցերով խորհրդական Մուհամեդ Ջավադ Ալավիի, Իրանի Կարմիր մահիկի ներկայացուցչի և Հայկական Կարմիր խաչի ընկերության նախագահ Դավիթ Ներսիսյանի հանդիպումը։

Դավիթ Ներսիսյանը, բարձր գնահատելով ցուցաբերած մարդասիրական աջակցությունը, ՀՀ-ում Իրանի դեսպանության և Կարմիր մահիկի ներկայացուցիչներին հանձնեց ՀԿԽԸ 100-ամյակին նվիրված հուշամեդալներ։

Ինչպես հայտնեցին ՀԿԽԸ-ից՝ իրանական կողմի մարդասիրական օգնությունը ներառում է պահածոյացված սնունդ, վրան-ծածկոցներ, անկողային պարագաներ, սպասքի ու սանիտարական հավաքածուներ և այլն։

Մանրամասները՝ ստորև

https://armenpress.am/arm/news/1139025/

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր